Monday, November 12, 2007

رابع ورا

حد جه الدنيا دى بس
عشان يضايق حد تانى
حد لما
بيصحى بدرى
شمس يومه
تروح تنام
تانى

حد لو ماجاش ماحدش
فينا يوم هايرنله
حد لما
يعوزوا حتى
يزعقولوا يكسلوا

أصله من زمان و هو
فى الحياة رابع ورا
جى يملا مكان و يزحم
لا و ممكن برضه يسند
أو يرخم
أو يبص من شباك زميله
اللى قاعد
مش ممانع
ان حد كمان يروح
من غير مشورة
حد تالت
يوم ما فكر مرة يركب
ميكروباص

ركب ورا



18 comments:

Anonymous said...

انا دايما باحس انى راكبة خامس ورا

اصلى باحب الزحمة قوى

حنان الجوهرى

qindeel said...

لما تبقى خامسورا وسط ناس بتحبيهم ماشى .. انما خامس وسط ناس بيض ؟

iHaB said...

ياترى يا قنديل ازاى اتمكنت او ايه هى الحيل اللى استخدمتها عشان تقدر تكتب القصيدة دى? ..عموماً ده تحدى صريح فى الشعر واعتقد كده ان ده وقت المواجهة
فيه كتير من الخضار انواع
كوسة وخرشوف ونعناع
ولما نروح للخضراتى ..البياع
يقولنا ماعندوش وهو عنده ..
شوف البنى آدم المتناع ؟
ازاى يقول ماعندوش خضار
الراجل ده باينله حمار
واحنا اللى مش راضيين نروح لبياع تانى ..للخضار
دا اتاريه بيلعب كورة ..بشينكار
وبيمسك الخشب ببعضه ..بمسمار
تلاقى عند المسمط ..منبار
ياللى تقول الحياة مدرسة
فى الحقيقة الحياة ..مكنسة
مش بس كده ..دى كمان ..محفظة
لا وايه ..فاضية مش ..مكدسة
يا مصر يا ام الدنيا
فيكى الآثار ..والمنيا
وكمان البرج وتمثال نهضة مصر وبرضه..المنيا
وجنينة الحيوانات ..والفسطاط ويا ما لاعبنا فى الكورة ..زامبيا
(مقاطع من قصيدة النجم الساحلى )
عفواً ..عفواً ..عفواً
ارجو من بقية الزملاء تكملة القصيدة

خلود صلاح said...

حد لو ماجاش ماحدش
فينا يوم هايرنله
حد لما
يعوزوا حتى
يزعقولوا يكسلوا


انا اهو

Anonymous said...

الحكاية ياعم قنديل فى رأيى المتواضع المكسوف
اننا نفهم عاوزين نركب ورا ليه ولا كل الحدوتة اننا نركب والسلام
ولو الركوب هو السبب فانا شايف ناس كتيرة اوى ممكن توصل موتو رجل

محمد بربر

ياسر خاطر said...

جامدة جدا يامعلم

وياريت بجد تدوس شوية كمان في الشعر

We2am said...

enta 3arf en deh momkn tob2a o3'nya rap gamda gedan gedan? kol sana w enta tayb :)

qindeel said...

و انتى طيبة يا وئام
ممكن تبقى أغنية بس هاتشتغل فى الميكروباصات بس !

KHALED said...

قلمك ذكى فى الرسم والكتابة
تحياتى

Anonymous said...

جميله

hicham rahmah said...

feen el gideed ya 3am

hicham rahmah said...

http://lauradraws.blogspot.com/
2andeel boss 3ala el link dah el ragel dah rasmak!!!!

سارة درويش said...

عارف المشكلة الكبيرة ايه يا قنديل
انه الناس لو جه واحد وما رضيش يكون رابع ورا بيقعدوا يشتموا عليه ويقولوله عطلت مصالحنا منك لله .. يعنى لا كده عاجب ولا كده عاجب .. بجد بجد قصيدة روووووووووعة

Unknown said...

حلوة اوى يا قنديل..بس رابع ورا دة بقى فى منه كتير اوى و دى ظاهرة مش صحية....المهم ابقى زور مدونتى يمكن تعجبك يا ريس ..سلاااااااااام

Mony The Angel said...

7elwa awee!

Amira Hassan said...

حلوة اوي على فكرة

اول مرة اخد بالي ان الميكروباز ملهم

انت عبقري يا قنديل :)

Entrümpelung wien said...

شكرا على الموضوع ..))

اخبار الفنانين والفنانات المصريين said...

شكرا على الموضوع