Monday, July 9, 2007

الزمالك

لم أكن أبدا من المهتمين بالرياضة , لم أختر فريقا لأشجعه بين الغريمين الكبيرين منذ كنت طفلا , بل أنه فى حين كانت مناقشات زملاء ابتدائى تدور حول استحقاق الأهلى للنصر الأخير أو الكأس الذى أصبح قريبا من الجبلاية ( فى فريق يقول على نفسه الجبلاية بالزمة ؟ ) أو التوقعات المرئية للتشكيلة , كنت انا أتأمل العلامات التى تركتها أقدام الحمام على رمال الحوش الطازة و كأنها رسالة لؤلائك الذين سيبكرون و تطأ أقدامهم الحوش قبل الأخرين ( بغض النظر عن ان اولئك المبكرون بيلعبوا كورة ببذرة الدوم , و بييجوا بدرى عشان الحوش بيبقى فاضى ) ... المهم مرت الأيام و السنون و وقعت عينى للمرة الأولى على ماتش أجنبى و عندها أصابتنى حيرة تفوق حيرة مصطفى محمود فى سنوات شكه ... يا الهى .. اذا كان ما يفعله هؤلاء كرة قدم فماذا تسمى ما يفعله هادى خشبة و حمزة الجمل .. اذا كان هذا الاخضرار الجميل للملعب صنعته النجيلة .. فأى يد شيطانية عبثت بجينات نجيلتنا الصفراء ؟ منذ هذه اللحظة قررت أن الأمر جدير بالدراسة .. ضغط على نفسى و جلست لأشاهد مباريات الكرة المحلية فى محاولة لفهم ما يحدث .. أقول الحق .. لن أدعى اطلاقا أننى قطعت من عمرى ساعة و نصف لمشاهدة مباراة يحمل أحد أطرافها اسم "مزارع دينا " أو " الكروم" أو "بلدية المحلة " فالأمر هنا أوضح من أن يحتاج لدراسة و لكنى حاولت فعلا أن أعرف من أجدر بأن أحمل ديانته بين سيدا الأقوام الأهلى .. و الزمالك

حقيقة لم أرى من أى منهما كرة قدم حقيقية .. و أتحدى من يجادل فى هذا انما الأمر أعمق من ذلك بكثير .. فشعب عاطفى كشعبنا لن يتخلى عن عاطفيته العتيدة و مرجعيته الأولى و الأخيرة فى التعامل مع الحياة مع شئ أقرب ما يكون للعاطفة و هو كرة القدم .

منذ البداية لا أنكر انجذابى للأهلى ( قولت مش باتكلم عن الكورة دلوقتى ) فانلة الأهلى الحمراء كانت عامل جذب تشكيلى قوى للغاية بينما فانلة الزمالك البيضاء بدت دوما كأقمصة الأغنياء التى تنجلى عنها البذلات الرسمية فى لحظات التباسط المصطنعة ( جامدة الحتة دى ) بعد ذلك ألقيت نظرة فى وجوه اللاعبين .. منذ القدم و الأهلى يختار لاعبيه من أبناء الريف و الصعيد و الأحياء الشعبية بينما تحمل وجوه لاعبى الزمالك نعومة و حمرة أبناء أثرياء الحى القديم ( حتى لو كانوا أصلا من كفر الشيخ ) شعرت دوما أن لاعبى الأهلى يشبهون عمال البناء الأجرية اللذين يتغابون على أنفسهم

و يحملون شكائر الأسمنت للأدوار العليا دون افطار .. بينما لاعبي الزمالك يلعبون و هما مشغلين التكييف .. اشتهر الأهلى دوما بقوانينه الأخلاقية الصارمة التى تذكرك ببيت العيلة الذى لا تدخن فيه أمام والدك حتى لو كنت فى الأربعين بينما لاعبى الزمالك تلمع شعورهم دوما بـ "جيل" كثير و يقبلون خواتم فى أصبعهم و سلاسل حول أعناقهم ( و احنا عارفين انهم مش خاطبين ولا متجوزين ).

تلفح شمس استاد القاهرة ( و شمسه غير كل الشموس ) أجساد لاعبى الأهلى السمراء حتى دقائق المباراة الأخيرة و يحاولون دوما تحقيق مكاسب شريفة مشرفة بينما اشتهر لاعبى الزمالك بتضيع الوقت و الحركات الناقصة حتى كنا (لما كنا بنلعب كورة فى الشارع ) نسب من يتعمد ابعاد الكرة عن مكان الفاول أو يتلكأ فى تسليمها للفريق المنافس حتى يعود زملاءه للدفاع نسبه و نقول له بطل حركات الزمالكاوية دى.

مباراة الأهلى و الزمالك الأخيرة أكدت لى أننى لا أحب الأهلى فعلا بقدر ما أنا أكره الزمالك .. و أكره أمواله .. و أكره سيارات نجومه الفارهة و أكرهه فى فشله كرجل أعمال وغد يضرب زوجته و أكره احساسى الدائم بأن لعيب الزمالك هو مثلا جرسونات كافيتيريا مركز الابداع يلعب بنفسية الضيف الذى سرعان ما سيغادر الفريق عندما تأتيه الفرصة المناسبة ( الصفقة المناسبة ).

و يبقى أن أقول أننى أشعر فى حبى للأهلى بشئ من التطهر .. التطهر من ضيقى الذى أشعر به تجاه الغلابة الذين يزاحمون فى المينى باص و يعيشون حياة جميلة فى روائح عرقهم المختلطة عندما أرى أبناءهم فى صفوف الأهلى يتغابون على أنفسهم و يلعبون حتى الدقائق الأخيرة و يسببون لجمهورهم السعادة .. أشعر أننى أتطهر و أنا اشجع الأهلى لأننى أحب أبو تريكة ( قبل أن أتأكد انه بيلعب كويس فعلا ) لأن من أحب أبو تريكة كأنما أحب الاسلام ! .. و أتطهر عندما أسمع ألسنة الأهلاوية اللاهبة تلسع ظهور الزمالكاوية المتثاقفين المتأنقين المتحفلطين المصفصتين المتكلمين عن التكتيك و الخطط و المدراء الفنيين و كل هذا الكلام الذى لا نفهم فيه بينما تخرسهم شعارات مقفاه من عينة " زمالك يا بو خطين جبت الحرفنة دى منين الأهلى معلمهالك بأمارة ستة اتنين " عبارة خالية من أى تمنطق أو ادعاء أو تحليل علمى مجرد تعبير شعبى صادق عن السعادة بالنصر .. ذلك النصر الذى يفتقده الغلابة من زمان و لا يجدونه الا فى تشجيعهم للنادى الذى هزم و يهزم و سيهزم نادى يحمل اسم الزمالك .. حى الأثرياء .


23 comments:

Oreka said...

��� ������� ��� ������ ��� ���� �� ���� ���� ���� �����
�� �������������� �� � �����ӿ
������ �����
��� ����������� ��� ��� �� ������

Oreka said...

دى الشفرة
فك الشفرة
تكسب علبة ساردين

shaimaa said...

يا جامد
:D

طارق إمام said...

ما تكتب و نقعد احنا في بيوتنا أحسن
هههههههههههه

انت اللي راسم شعار الأهلي ده؟
أكنه بجد و الله
بس انت مش راسم الحمامة كويس
(:
...........................
الأستاذ خالد إمام
أهلاوي و عضو اتحاد كتاب مصر

qindeel said...

الأستاذ خالد امام
مين حضرتك ؟
خطك شبه خط واحد أعرفه

iHaB said...

إنت عبيط يا كابتن ؟

iHaB said...

الأملاء ..يا جماعة ..ارجوكم والنبى ..حرام عليكم ..اكثر لغات العالم تطوراً
:D

qindeel said...

ولا

Anonymous said...

بقى فانلة الزمالك( بدت دوما كأقمصة الأغنياء التى تنجلى عنها البذلات الرسمية فى لحظات التباسط المصطنعة )! ! انت جاي منين يا بني ؟ طب ما تجرب تروح الزمالك يمكن وجهك يكتسب نعومة و حمرة ! ( على أساس انك من كفر الشيخ !) أما بقى بالنسبة لأبوتريكة فمعاك حق لأنه انسان ساحر قدر يبقى قدوة لكل الشباب و فتى أحلام كل البنات (خاصة انا !)و كنت أتمنى ترسمه بايدك أحسن ما تحط شعار الأهلي ( امال رسام عالفاضي !) ... و الغريب ان الزمالك في ميت عقبة و مالوش دعوة بالأثرياءأو الأثرياء نفسهم مالهومش ذنب ان النادي بيحمل نفس اسم الحي اللي بيسكنوه.... بس سيبك انت عاش الأهلي .. عاش الاهلي مليون مرة ... الأهلي هو الوحيد اللي بيفرح الغلابة في الزمن ده .. كنت لازم يا قنديل تطلع في الآخر ... أهلاوي !

منـار قلب الأسد

تامر said...

بيب بيب ... أهلي

أو

تووت تووت ... زمالك

أو

كااك ... كااك ... إسماعيلي

المهم ما يبقاش في الآخر

أوبح أوبح ... منتخب مصر القومي

Baher said...

اهلى ... اهلى
او او

Anonymous said...

طظ ف الاهلويه
انا زملكاويه
طظ
طظ

حنان الجوهرى

qindeel said...

برضه مش هاقول طظ فى الزمالكاوية

هاقول ..
انك لا تهدى الأحبة و الله يهدى من يشاء

LANKASH said...

عندك حقد طبقي
ولا تعليق طبعا على اتهامك لاسياد قومك
وصفوة الناس الزمالكاوية ونادي الزمالك العالمي
ولن ادخل في صراعات مع جهلوية

qindeel said...

حلو أوى
طبعا زى مانتوا ملاحظين .. تعليق الزمالكاوية بيثبت كل الكلام اللى قولته من عنجهية و تعالى و قرننة فارغة ( عالمى ايه يا بو عالمى )

Anonymous said...

والله العظيم انتا مش مركز حمرة ايه يا بني واغنياء ايه بقي النادي الاهلي اللي في الجزيره ومدينه نصر اللي ما فيش حد بجلابيه يقدريدخله نادي الغلابه ونادي الزمالك ياراجل اللي في ميت عقبه ميت عقبه عارفها انتا عارف يا كابتن عضويه النادي الاهلي بكام اللعيبه اللي فيه بيقبضو كام شفت كافتريا النادي شفت اي حاجه كلامك بجد يضحك وينم عن ان (الحشيش هو الحل)

qindeel said...

على فكرة يا عم الأنونيموس أنا صاحبى الأنتيم كان بيلعب فى النادى الأهلى و دخلته أكتر من مرة و عارفه كويس و عارف الناس اللى فيه و لما اتكلمت فى البداية قلت أنا مش باتكلم عن الكورة و لما قولت نادى الغلابة ما ادعيتش خالص ان أعضاءه هم أعضاء النقابات العمالية .. كل اللى كنت أقصده ان الناس البسيطة جدا الكتير اللى بتشجع الأهلى حتى و ان كانوا منفصلين عنه الا انهم بيحسوا ان انتصاراته انتصارات شخصية ليهم ...
واضح ان انا كاتب فاشل لإنك تقريبا ما فهمتش ولا كلمة من اللى أنا كتبته !

Mony The Angel said...

awel mara ashoof had y2ool kda :D
ana kont fakraak btetaria2
enta mabtshofsh floos al ahly walla eh :D
da naady al7kooma :D
b2a alzamalek andaf mn al ahly :D

iHaB said...

يا استاذ قنديل ..قبل ما تتولد ..الأنجليز ضربوا مدينة الإسماعيلية فى العدوان الثلاثى ونادى الإسماعيلى اتهجر للقاهرة ومكانش عنده مكان يعمل فيه التمارين ولما طلب مسئولى النادى الإسماعيلى من الأهلى استضافتهم فى وقت الحرب ..الأهلى رفض ..ومسئولى الزمالك هما اللى سعوا عشان يستضيفوا النادى الإسماعيلى ..فى الجبلاية اللى مش عاجباك لحد ما اتبنى النادى الجديد فى الإسماعيلية ..وعلى فكرة الزمالك شارك وساهم فى بنا النادى الجديد ولغاية النهاردة مسئولى الأندية التلاتة ما نسيوش الموقف ده و كمان الجمهور ..يبقى مين بقى نادى الغلابة ابن البلد ..زى كل مرة ..الحكاية بس انك مش عارف

qindeel said...

2 september ? 2 september ya ihab ?
w meen 2allak inny mish 3arif ?
w zay koll marra , huh ?

تحت العشرين said...

الأهلي حبي الأول و الأخير
من و أنا عندي 5 سنين شجعت الأهلي
طبعاً ساعتها مكنتش بفهم في الكورة بس كنت و مازلت بحب اللون الأحمر و كمان أسمه كان عاجبني إسم جميل خلاني أحس إن الأهلى نادي الطيبين و الزمالك نادي الأشرار يعني الأهلي ده نادي بتاع أهلى لاكن الزمالك نادي أسمه بايخ و ملهوش معني

ولما كبرت حبة وبدأت أفهم كورة و أفرح بالبطولات بأيت أحب الأهلي و أشجعه حبجنوني و متعتي الأولى هي إن الأهلي يكسب الزمالك ويا سلام لو يكسبه 6 أو 4 أو
أو 3

المهم الحمد لله إني خلقت أهلاوية
و الحمد لله إن قنديل طلع أهلاوي

و نصيحة مني ليك متردش على الزمالكاوية لأسباب كتير

s. z. said...

we ba7ebbak ya zamalek
3aref law 2olt enak bet7eb el ahly aktar kan a7san mat2ol ennak btekrah el zamalek.

entrümpelung wien said...

شكرا على الموضوع
entrümpelung
entrümpelung
entrümpelung wien