Tuesday, October 2, 2007

شعر ان شاء الله

أنا القمر

أنا القمر و القمر أنا
عايش لوحدى فوق بقالى كام سنة
بينى و بينك
أحسن
مالدوشة و العكننة

________________


إيه ؟

بتحب فيها ايه ؟
ماتقول سكت ليه ؟

بتحب كتر كلامها ؟
ولا برودة خصامها ؟
ولا صوتها العالى فى السينما و الكافيه ؟
ولا بتحب فيها
بعيد عن كل ما فيها
كونها بتحبك انت
من غير ما تسأل ليه

_________________

جمب بينوس

و انت ماشى جمب بينوس
بص مالشباك
خد فى ضهرك زحمة الشارع و ناسه
و اللى مش لاقى مواصلة
و اللى مش لاقى مقاسه
خدلى بالك ماللى قاعدة هناك داهيية
أم شعر كيرلى مش أم طاقية
اللى لابسة بلوزة بيضا
احتمال تكون سعيدة
بس ممكن تبق أسعد
لو بدال ماهى قاعدة تقرا
تبقى قاعدة عشان تشوفك
تبقى قاعدة عشان
مستنياك

16 comments:

علوة said...

الله ينوّر عليك يا ابو جنديل
يا جااااااااااااامد
والله بجد جامد جدا
عجبني أوي جو الرباعيات في أنا القمر
كارفة على صلاح جاهين

صباح الفل يا جنديل

علوة said...

أول كومينت يا زعيم

صباح الفل

qindeel said...

مية مية يا حجعلى
أنا أصلا كنت باشتغل الناس و أقولهم انها بتاعة صلاح جاهين بس أبوك فقسنى وقاللى صلاح جاهين مكانش بيكتب كدة

كراكيب نـهـى مـحمود said...

الله الله الله
ده مبدئيا يعني
بسم الله اللرحمن الرحيم اكتر واحدة عجبتني الثانية تجنن تجنن يعني

qindeel said...

فضل و نعمة من عند ربونا على فكرة

خيرالدين said...

الله الله على الشموليه وتعدد المواهب يا قنديل باشا
عجبانى الاولى جدا

Mony The Angel said...

woow
so nice
go on

mahmoud said...

ايوه كده اظهر على حقيقتك
:)
انا شايفك اكتلا فى المقطع التالت اللى جمب بينوس ده، هقولك ايه..عبقرية

خيرالدين said...

كنت منور دريم

qindeel said...

شكرا جدا يا جماعة

fawest said...

يعنى لازم كل يوم نكتشف فيك مواهب جديدة
كنت منور دريم
عقبال كل حاجة حلوة تعدى من ادام بينوس

ola salem said...

تييييت

iHaB said...

طب انا هرد عليك بقصيدة عقاباً ليك على هذا الشعر العظيم ..
كان فيه زمان منطاد
بيلف كل البلاد
ويشوف كل العباد
شكرى وااسماعين وعياد
ونهاد ..
وسعاد ..
وكمان يجيب بضايع من كل السوبرماركتاد (هى المفروض ماركتات ..بس القافية تحكم )
خضار ولحمة وزيت للشمس عباد
اصل كل الناس على الحياد (ايه العلاقة ؟) مافيش بينهم لا بياض ولا سواد
..يا عبد القادر (هو ده الموت المفاجئ للقصيدة )
شكراً..شكراً..شكراً

qindeel said...

هههههههههههههههههههههههه

We2am said...

ya slaaam!

Ema said...

Simple .. To the point .. Brillant :)